УНИБанка со најновиот извештај од своето работење за првото тромесечие од 2009 година ги покажа следниве резултати:

Вкупните банкарски приходи (камати, провизии и курсни разлики) изнесуваат 435,61 милиони денари што претставува пораст од речиси 40,26% во споредба со март 2008 година (309,8 милиони денари), додека на нето основа приходите се намалени за 16,15%.

Нето каматните приходи (вклучително и провизии при одобрување на пласмани) во првото тромесечие од 2009 година се намалени од 117,6милиони денари на 94,6 милиони денари или за 19,74%.

Тоа се должи на заострување на критериумите за доделување на кредитите, кои во овој период беа поригорозни во споредба со истиот период од минатата година.

Вкупните приходи од курсни разлики изнесуваат 214,5 милиони денари и се за  154,78%% поголеми од март 2008 (84,0 милиони денари), што доведува и до пораст на нето приходите од курсни разлики од 2,21%, (од 8,3 милиони денари на 8,5 милиони денари). 
Нето приходите од провизии и надомести бележат благ минимален пад и се намалени од 23,1 милиони денари на 22,1 милиони денари или за 4,51%.

Како резултат на претходно наведеното добивката на Банката пред оданочување изнесува 11,36  милиони денари.

"УНИБанка и понатаму ќе продолжи со истото темпо на работење со цел максимално излагање во пресрет на клиентите, нудење на дополнителни бенефиции и иновации во работењето и поддршка на развојот на македонското стопанство. Во наредниот период ќе следат уште низа иновативни услуги и продукти за нашите клиенти." - изјави Г-динот Коста Митровски, Претседател на УО на УНИБанка.